ថ្ងៃពុធ ទី២៨ ខែកញ្ញា ឆ្នាំ២០៥០
គេហទំព័រសមាគម សហព័ន្ធសារព័ត៌មានអង្កេតការពិត
លោក ឧត្តមនាវីឯក អ៊ុក សីហា ចោទឧកញ៉ា តែ តាំងប៉ ថាបានឃុបឃិតរំលោភយកដីកងទ័ពនៅខេត្តព្រះសីហនុក្រោយចាញ់ក្តីនៅតុលាការ! 0966635168/ 012841377 សមាគមសហពន្ធ័អ្នកសារព័ត៏កម្ពុជាអង្កេតការពិត
Wed,16 February 2022 (Time 06:50 PM)
ដោយ ៖ fcjot (ចំនួនអ្នកអាន: 283នាក់)


លោក អ៊ុក សីហា ឧត្តមនាវីឯក ជាមេបញ្ជាការរងកងទ័ពជើងទឹក និងជាមេបញ្ជាការមូលដ្ឋានសមុទ្របានចោទប្រកាន់លោកឧកញ៉ា តែ តតាំងប៉ប្រធានសម្ព័ន្ធសមាគមន៏ សហគ្រាសធន់តូចនិងមធ្យម កម្ពុជា ថាបានឃុបឃិតគ្នាលួចធ្វើបណ្ណកម្មសិទ្ធិរំលលោភយកដីគ្រួសារ​កង​ទ័ព​ជាង​១០០​ហិកតា ស្ថិត​នៅ​ឃុំ​រាម ស្រុក​ព្រៃ​នប់ ខេត្ត​ព្រះ​សីហនុ។
ការចោទប្រកាន់នេះ បានធ្វើឡើងបន្ទាប់ពីលោក អ៊ុក សីហា និងភរិយា លោក ស្រី ដាញ់ ផល្លី តំណាងឲ្យកងទ័ពជើងទឹកបានចាញ់ក្តីលោកឧកញ៉ា តែ តាំងប៉ ក្នុងប្រព័ន្ធតុលាការកម្ពុជាទាំង៣ថ្នាក់ គឺសាលាដំបូង សាលាឧទ្ធរណ៏ និងតុលាការកំពូលនាពេលថ្មីៗនេះ។
បន្ទាប់ពីចាញ់ក្តីភ្លាមៗ គណៈ​កម្មការគ្រប់គ្រងអចលនទ្រព្យកងទ័ពជើងទឹកមូលដ្ឋាន​សមុទ្រ កាលពីថ្ងៃទី១៤ ​ខែកុម្ភៈ​នេះបានចេញ​លិខិត​បំភ្លឺ​មួយ​ទៅ​លោកឧកញ៉ា តែ តាំងប៉ ដោយអះអាងថា ដីទំហំ១២០ ហិកតា ស្ថិតនៅភូមិអុង ឃុំ​រាម ជាដីស្ថិតក្រោមការគ្រប់គ្រងរបស់​ក្រសួង​ការ​ពារ​ជាតិ ដែលបានប្រគល់ឱ្យកងទ័ពជើងទឹកមូលដ្ឋានសមុទ្រ​គ្រប់​គ្រង​ទុក​សម្រាប់សាងសង់ជុំរុំជម្រក​ទ័ព ធ្វើ​ការអភិវឌ្ឍ និង​ទុកចែកជូន​គ្រួសារ​កង​ទ័ព ប៉ុន្តែ​ត្រូវបាន​លោក​ឧកញ៉ា តែ តាំងប៉ ឃុបឃិតគ្នាលួចធ្វើបណ្ណកម្មសិទ្ធិលើដីទំហំ១២០ហិកតាដោយខុសច្បាប់តាំងពី​ឆ្នាំ​១៩៩៧។
សេចក្ដីបំភ្លឺនេះ​បន្តថា លោក តែ តាំងប៉ បាន​លួចធ្វើ​ប​ណ្ណកម្មសិទ្ធិស្ងាត់ៗ ដោយពុំមានការដឹងឮពីកងទ័ពជើង​ទឹក និងក្រសួងការពារជាតិឡើយ ហើយថ្ងៃខែឆ្នាំ​នៃការចុះអង្កេតដី និងការចេញបណ្ណកម្មសិទ្ធិនោះទៀត ក៏មានភាពមិនប្រក្រតីជាច្រើន។
គណៈកម្មការគ្រប់គ្រងអចលនទ្រព្យកងទ័ពជើងទឹកមូលដ្ឋានសមុទ្រ បន្ថែម​ថា រាល់​ការ​ទិញ​លក់​ដី​ចំនួន១០៣​ហិកតា​ និង១៧ហិកតា ក្នុងតំបន់នោះ​រប​ស់​លោក តែ តាំងប៉ គឺគ្មានបុគ្គលឬនាយទាហានរូបណាមួយមានសិទ្ធិអំណាចលក់ទិញបានឡើយ។
សេចក្ដីបំភ្លឺដដែលបញ្ជាក់ទៀតថា ករណីលោក តែ តាំងប៉ ចោទប្រកាន់ទៅលើមេបញ្ជាការរងកងទ័ពជើងទឹកនិងជា មេបញ្ជការមូលដ្ឋានសមុទ្រ​ លោក អ៊ុក សីហា ថាបានឯកភាព​ដឹង​ឮ​លើការទិញលក់ដី១០៣ហិកតា និង​១៧ហិកតា​ ដោយទទួលប្រាក់មួយចំនួននោះ ជារឿង​មិន​ពិត និង​គ្មានមូលដ្ឋានច្បាស់លាស់ ព្រមទាំង​មាន​បំណង​​បង្កាច់​បង្ខូច​កិត្តិយសនិង​កេរ្តិ៍ឈ្មោះ​លោកមេបញ្ជាការមូលដ្ឋានសមុទ្រ ក៏ដូចជាកងទ័ពជើងទឹក​ទាំង​មូល។
បើតាមសេចក្ដីបំភ្លឺនេះ ចាប់តាំងពីលោក តែ តាំងប៉ បានមកឃុបឃិតគ្នាទិញលក់និងធ្វើបណ្ណកម្មសិទ្ធិលើដីកំពុងមានជម្លោះនោះមក គឺតែងតែបានបង្កទំនាស់ដោយប្ដឹងទ័ពទៅតុលាការ ផ្សព្វផ្សាយព័ត៌មានមិនពិតផ្សេងៗ និង​បង្កើតបញ្ហាជាច្រើន​មិនចេះ​ចប់​មិ​នចេះហើយ ដូចជា ការបិទផ្លូវសាធារណៈ និងបង្ខំឱ្យអាជ្ញាធរ​មូល​ដ្ឋាន​ជួយ​ក្លែង​ឯកសារ​ស្ដីពីកសាងឬជួសជុលផ្សេងៗជាដើម។
លិខិតបន្ថែមថា៖ «ទិដ្ឋភាព និងសកម្មភាពយ៉ាងគឃ្លើនក្នុងចេតនាទុច្ចរិតបែបនេះ គណៈកម្មការគ្រប់គ្រងអចលនទ្រព្យកងទ័ពជើងទឹកមូលដ្ឋានសមុទ្រ សូមព្រមានដល់បុគ្គលទាំងឡាយណាដែលបានមកឃុបឃិតរំលោភបំពានទិញលក់ លួចធ្វើបណ្ណកម្មសិទ្ធិលើដីតំបន់នេះ ត្រូវបញ្ឈប់សកម្មភាពជាបន្ទាន់ និង​ត្រូវប្រគល់ដីឱ្យមករដ្ឋ ឬក្រសួងការពារជាតិវិញ»។
គណៈកម្មការគ្រប់គ្រងអចលនទ្រព្យកងទ័ពជើងទឹកមូលដ្ឋានសមុទ្រ បានទាមទារឱ្យលោកឧកញ៉ា តែ តាំង​ប៉ ប្រគល់​ដី​១២០ហិកតា ជូនរដ្ឋ​ឬក្រសួងការពារជាតិវិញ ហើយបានព្រមានចាត់វិធានការ​ចំពោះបុគ្គល​ទាំង​ឡាយ​ណាបា​នឃុបឃិតគ្នាទិញលក់និងចេញបណ្ណកម្មសិទ្ធិដីធ្លីនៅតំបន់នោះផងដែរ។
ប្រធានគណៈកម្មការគ្រប់គ្រងអចលនទ្រព្យកងទ័ពជើងទឹកមូលដ្ឋានសមុទ្រ លោក​ឧត្ដមនាវីទោ ម៉ី ឌីណា បន្ថែម​លើសេចក្ដីបំភ្លឺនេះថា ករណីនេះ​ កងទ័ពនឹងប្ដឹងទៅថ្នាក់លើបន្តទៀត ក្រោយចាញ់ក្ដីនៅតុលាការកំពូលថ្មីៗនេះ។
លោកបន្ថែមថា៖ «ព្រោះអីយើងជាកងកម្លាំង​ប្ដឹងទៅតុលាការ វាមិនមានប្រសិទ្ធភាពសោះ ដោយសារគាត់មិន​បាន​ចាត់ការទៅតាមអ្វីដែលយើងប្ដឹងទេ ព្រោះកម្រិត​ជីវភាពរបស់កងទ័ពមានលុយណាយកទៅឱ្យគេដូចលោកឧកញ៉ា តែ តាំងប៉ ហ្នឹង​! គាត់​មាន​លុយ គាត់យកលុយទៅទិញទឹកចិត្តគេបានទាំងអស់ហ្នឹង។ ហើយ​រឿង​នេះអយុត្តិធម៌សម្រាប់​ពួកខ្ញុំណាស់ អ៊ីចឹង​យើងនឹងបន្តទៅថ្នាក់ដឹកនាំកំពូលហើយ»។
លោកឧកញ៉ា តែ តាំងប៉ និង​ប្រធាន​សម្ព័ន្ធសមាគម​សហគ្រាស​ខ្នាត​តូច និង​មធ្យម សុំ​មិន​ឆ្លើយតប​ពាក់ព័ន្ធករណីនេះ​ទេ។ ប៉ុន្តែបើយោងតាមលិខិតបំភ្លឺរបស់លោកកាលពីថ្ងៃទី១១ ខែកុម្ភៈ ឱ្យដឹងថា កាល​ពី​ឆ្នាំ១៩៩៧ លោក​បានទិញដី​១០៣ហិកតា​ពី​លោក ងួន យោង ដែលកាល​នោះ​ជាមេបញ្ជាការរងអង្គភាពមូលដ្ឋានកងទ័ពជើងទឹករាម និងមានការឯកភាពពីមេបញ្ជាការអង្គភាពកងទ័ពជើងទឹករាម លោក អ៊ុក សីហា និងបានចុះបញ្ជីនៅសុរិយោដីខេត្តត្រឹមត្រូវស្របច្បាប់ទៀតផង។
ចំណែកនៅឆ្នាំ២០០៧ លោកបានទិញដី​១៧ហិកតា​បន្ថែម​ទៀតពីអង្គភាពមូលដ្ឋានកងទ័ពជើងទឹករាម និង​បានស្នើសុំធ្វើបណ្ណកម្មសិទ្ធិដោយមានការបញ្ជាក់ពីឈ្មោះ ហ៊ីង ពុធ​ដារ៉ា ជា​តំណាង​មេបញ្ជាការដ្ឋានកងទ័ពជើងទឹកនៅឆ្នាំដដែល​នេះ​ផង​ដែរ។
លិខិតបំភ្លឺដដែលនេះបន្តថា ក្រោយទិញរួច បុគ្គលឈ្មោះ ដាញ់ ផល្លី និងស្វាមីឈ្មោះ អ៊ុក សីហា បានបញ្ជាកម្លាំងទាហានឱ្យធ្វើសកម្មភាពឈូសឆាយលើដីនោះវិញជាបន្តបន្ទាប់ និងបានប្ដឹងលោក តែ តាំងប៉ ទៅតុលាការថែមទៀត ប៉ុន្តែត្រូវតុលាការ​ថ្នាក់ទាប​រហូតដល់តុលាការកំពូល សម្រេចឱ្យលោក តែ តាំងប៉ ឈ្នះក្ដី​រហូត។
លិខិតបំភ្លឺនេះបន្ថែម​ថា បើទោះបីជាតុលាការ​គ្រប់ជាន់​ថ្នាក់​កាត់​ឱ្យ​លោក តែ តាំងប៉ ឈ្នះក៏ដោយ ប៉ុន្តែអ្នកស្រី ដាញ់ ផល្លី ដែលជាប្រពន្ធលោក អ៊ុក សីហា មិនព្រមអនុវត្តតាមសេចក្ដីសម្រេចរបស់តុលាការឡើយ ហើយបានបញ្ជាឱ្យមន្ត្រីក្រោមឱវាទទៅ​ឈូសឆាយ​នៅលើដីរបស់​លោក តែ តាំងប៉ ចំនួន​៤បណ្ណថែមទៀត ដោយ​អះអាង​ថា ជាដីរបស់ខ្លួន។
មន្ត្រី​សម្របសម្រួល​គម្រោង​ធុរកិច្ច និង​សិទ្ធិមនុស្ស នៃ​មជ្ឈមណ្ឌល​សិទ្ធិមនុស្ស​កម្ពុជា លោក វណ្ណ សុផាត មាន​ប្រសាសន៍​ថា តាមនីតិវិធី កាលណាតុលាការកំពូលចេញសេចក្ដីសម្រេចហើយ គឺ​ជា​ការសម្រេចចុងក្រោយ ហើយ​ភាគី​ជម្លោះដែ​លចា​ញ់ក្ដី និង​មិនពេញចិត្ត​ចំពោះសេចក្ដីសម្រេចនេះ អាចប្ដឹងទៅក្រុមប្រឹក្សានៃ​អង្គចៅក្រម ឬក្រុមប្រឹក្សារដ្ឋធម្មនុញ្ញ ដើម្បីសុំការបកស្រាយច្បាប់ឱ្យ​បានត្រឹមត្រូវ។
មន្ត្រីសិទ្ធិមនុស្សរូបនេះមើលឃើញថា ការចេញបណ្ណកម្មសិទ្ធិនាពេលកន្លង​មកមាន​ភាពមិនប្រក្រតី​ជាច្រើន ​ដោយសារការឃុបឃិតគ្នា និងការប្រព្រឹត្តអំពើពុករលួយ ដោយភាគច្រើនពីសំណាក់អ្នកមានលុយមានអំណាច ដែល​តែងតែមានបណ្ណកម្មសិទ្ធិជាន់​លើ​ដី​ពលរដ្ឋ ដែលបញ្ហានេះបានបង្ក​ឱ្យពលរដ្ឋ​​ក្រីក្រជួប​បញ្ហាជា​ខ្លាំង។
លោកបន្ថែមថា៖ «បើវាមានសេចក្ដីសម្រេចពីតុលាការកំពូលហើយ អាហ្នឹងវាជាការសម្រេចចុងក្រោយនៃសំណុំរឿងហ្នឹង អ៊ីចឹងមានតែប្ដឹងទៅអង្គចៅក្រម ឬក្រុមប្រឹក្សារដ្ឋធម្មនុញ្ញ ដើម្បីសុំការបកស្រាយច្បាប់ហ្នឹងទេ។ បើថា​ទៅអន្តរាគមន៍ពីខាងរដ្ឋាភិបាលឱ្យដោះស្រាយវិញ វាដូចជាចម្លែកពីព្រោះនៅស្រុកយើង នីតិបញ្ញត្តិ នីតិប្រតិបត្តិ និងតុលាការហ្នឹង គឺចែកដាច់ៗពីគ្នា»។
ភ្លាមៗនេះ សមាគមសហពន្ធ័អ្នកសារព័ត៏មានកម្ពុជាអង្កេតការពិត មិនអាចទាក់ទង លោក ឧត្តមនាវីឯក អ៊ុក សីហា មេបញ្ជាការរងកងទ័ពជើងទឹក និងជាមេបញ្ជាការមូលដ្ឋានសមុទ្របានទេ។ ចំណែក លោកឧកញ៉ា តែ តាំងប៉សុំមិនធ្វើអត្ថាធិប្បាយរឿងនេះទៀតទេ ពីព្រោះតុលាការគ្រប់ថ្នាក់ឲ្យលោក ឈ្នះក្តីនេះហើយ ថាតើរដ្ឋមន្រ្តី ទៀ បាញ់ មានចំណាត់ការយ៉ាងណាទៅក្រុមប្រឹក្សានៃអង្អចៅក្រម និងនីតិប្រតិបត្តិ?៕សូមរង់ចាំភាគបន្ត

ព័ត៌មានគួរចាប់អារម្មណ៍

រុមហ៊ុនបើកល្បែង កាស៊ីណូ និងល្បែង Online ខុសច្បាប់ចំនួន ២៣០ អជ្ញាប័ណ្ណត្រូវលុបចោល និងមានអនុញ្ញាតិស្របច្បាប់តែ ៦០ អាជ្ញាប័ណ្ណប៉ុណ្ណោះក្នុងឆ្នាំ២០២២ នេះ! (fcjot.org)

ព័ត៌មានគួរចាប់អារម្មណ៍

«មេល្បែងទឹកភ្លៀង Aម៉ែនញ៉ូ Aហ៊ា សួរ នៅ USA ខុសច្បាប់»សាហាយស្មន់នឹង«មន្ត្រីពួនសុីបុណ្សសម្តេច!កាងល្បែងទឹកភ្លៀងល្មើសច្បាប់»កំពុងនាំគ្នាសប្បាយដូចមាន់ជិះរទេះ! (fcjot)

ព័ត៌មានគួរចាប់អារម្មណ៍

ឈ្មួញទុច្ចរឹតឈ្មោះ មករា មានមេក្លោងឈ្មោះងួន សុវណ្ណា ចាប់ផ្តើមដឹកឈើទៅលក់អោយយួនតាមច្រកទ្វារអូរយ៉ាដាវ ទៀតហើយ ថ្ងៃចេញផ្សាយៈ 21, 2022ខេត្តរតនគិរី៖ (fcjot)

ព័ត៌មានគួរចាប់អារម្មណ៍

រុមហ៊ុន PNT CO.LTDកំពុងប្រព្រឹត្តឧក្រឹដ្ឋកម្មព្រៃឈើ នៅតំបន់ស្នូលព្រៃឡង់ ក្នងស្រុករវៀង ខេត្តព្រះវិហារយ៉ាងរង្គាល អាជ្ញាធរតាំងពីថ្នាក់ក្រោមដល់ថ្នាក់ជាតិ ស្ងាត់ឈឹងមិនប្រក្រតី? (fcjot)

វីដែអូ

ចំនួនអ្នកទស្សនា

ថ្ងៃនេះ :
324 នាក់
ម្សិលមិញ :
450 នាក់
សប្តាហ៍នេះ :
4255 នាក់
ខែនេះ :
27519 នាក់
3 ខែនេះ :
72877 នាក់
សរុប :
635831 នាក់